CORRECCIÓN: USO DE COMA, PUNTO E PUNTO E COMA

Ex. 1

O peor foi que, rematado xa o verán, o Daniel colleu o costume de encirrarnos tamén o mastín cada vez que pasabamos por diante do seu taller. No meu caso iso ocorría con moita frecuencia, pois vivía no mesmo barrio, algunhas casas máis abaixo, e víame na obriga de percorrer aquel tramo no meu camiño diario ata a escola ou cando a miña nai me mandaba a facer algún recado nas tendas da praza de abastos. 

Collín o costume de camiñar sempre polo outro lado da rúa, afastado do can que pasaba as horas tombado xusto diante do taller. Malia estas precaucións, o meu medo non facía máis que medrar, porque se por casualidade me vía, o Daniel facíalle un aceno incitador ao Dólar. O can erguíase ao momento, atravesaba a rúa e botaba a correr tras de min, obrigándome a continuas fuxidas e carreiras, que me deixaban cada vez máis avergoñado.

Ex. 2

– Había máis dun mes que Carme, a nai de Minia e Tomé, sentiu unha picada de dor nas costas ao cargar cunhas bolsas. Introducir unha aclaración.

– Non, muller, non penses niso. Para illar un vocativo.

– A mamá pásalle algo que non queren contar, pero eu nótollo. Antes de conxunción adversativa.

– Hoxe vas saír, mamá? Para illar un vocativo.

– Xa no coche camiño da casa, Carme expresou en alto o que pensaba. Oración temporal.

– Veña a facer probas: analíticas, radiografías, mamografías, probas e máis probas. Enumeración.

– Se hai silencios elocuentes, este era un deles. Oración condicional.

Ex. 3

– Catuxa, Martiño, Antía e Dani ocupáronse de revisar os cuartos; Anxo e Vitoria buscaron na cociña e no comedor. Separar os elementos dunha enumeración cando tamén se inclúen comas.

– Seguiu falando de costas a nós; nin sequera se volveu un intre para mirarnos. Separar enunciados que teñen relación entre si.

– No ciclo de cine proxectaron varias películas: O lapis do carpinteiro, de Antón Reixa; Cela 211, de Daniel Monzón; Entre bateas, de Jorge Coira, e A esmorga, de Ignacio Vilar. Separar os elementos dunha enumeración cando tamén se inclúen comas.

– Cómpre agardar do malo, pouco; do peor, nada. Separar enunciados que teñen relación entre si, sobre todo se xa se empregou coma.